مالك خبر

[صالح الحمود]

-------( مـالـك خـبـر )-------

ودّنا في عشرتِك بسّ لك طبعٍ غريب !!
============= ما عرفـنالك طـريقه / ولا شـفـنا قَــدِر

(حنّا) ــ من دونك نعاف الأحبّه / والقريب
============ (وانت) ــ ما دونك ولا دون اعادينا شِبر

ضايقٍ صدرك علينا عقِبْ ما هو رحيب
============ منقطع // والدنيا ما تسوى من عقبك ظفر

منقطع مالك خُبِر .. مبتعد مالك نـديـب
============= مبتعـد .. أو منقطـع .. المهم مالك خُـبِر

رحت عنّا ما تركت لْـمعاذيرك نصيب
============ وانت لك بالقـلـب قدـرٍ كبير .. وْلك عطـر

صاحبي ما جاك من عندنا شيِّ يعـيـب
============ وانْ حصل !! ماهوب عن قصد يوم انّك تفر

الـيـدين احيان تكـوي بعَـضـْـهـا ثمْ تطيب
============ وما يشـوف العاقل بْـفـعـلها ذنب / وغــدر

يمكن الحسّاس يجزع .. ويخشاها تعيب
============== لكـن انّـه ما يـعـالـج خـطـاهـا بالـبـتـر

هفوتك / ما هي بسيطه .. ولا عذرك صعيب
============= كان اجـامـل واحتـمـلها واقـدّمـلك شـكر

ودّك الإنسان لا طاح من عينه صحيب
============= ما يــدوّر منْه غـيـر السـلامــه والســتـر

( فرقى) من لا يشتري ( رفقتك ) لو هو حبيب
============= لا تسـاوي فيها شـيٍّ فضـيل / وْلا اجــر

صاحبك / لا بار بك / وانتهج نهج ٍ مريب
============== لا تحـرّالـه جـواب ٍ / وَلا ترجـي عـذر

كان ما طالك من قـْـفــايـتـهْ جرحٍ عطيب
============= فاذكـره بالخـير لا جـيـب لهْ عـنـدك ذكـر

///