إلى وصالك دلني ...

[مبارك أبوظهير]

*

بعد غيااااااااااااب .. أرجو قبولها وصولها


*

[POEM="font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جيتك وأنا كلي أمل أحظى بلحظه من وصال=(( إلى وصالك دلني )) ياسـيـدي هـل مـن سبيل ؟؟

جيتك على وعد ٍ خذيته منك يا عذب الدلال=نسيت .؟ لاتنسى انا عندي عـلى وعـدك دلـيــل

لولاك ماغامرت في نفسي وسويت المحال=لكنـهـا نــار الغــلا شـبـّـت وهــان الـمـسـتـحـيل

ولولاك مامشـّيت رجلي في وعور وفي سهال=ولـولاك ماجـرّيت مـوالي وأنـا أناظــر ســـهيـــل

ياما سهرتك ياعيوني لين أتعبت الليال=ياروح روحي كمّ انا سامرت بك نجـمــات لـيـــل

رح إنشد الصحرا ودوّر فـ المراقيب الطوال=عني وتخـبـرْك الصحـاري يـوم أنا لـيـلي طـويـل

رح وإنشد العشاق كم شالوا من حمول ثقال=إي والله إنـي مـن بعــادك شايــل الحـمــل الثقيل

قل للشجر لما تمره ليه غصنك فيك مال=صدقني بيقول الهوى من وين ماهفـهـف يـمـيــل

المشكله خابر ظروف الوقت حل ٍ وإرتحال=بــاكـــر ولـــو زان اللقا لابـد مـن يـوم الرحـيـــل

لكن انا كلي أمل أحظى بلحظه من وصال=(( إلـى وصالك دلـنـي )) يـاسـيــدي هـل مـن سبـيـل .؟؟[/POEM]

*



مبارك نايف أبوظهير