البقية في ... حياتي !

[محمد السالم]

..

..
وأنت حاضر ؛
كم أحاتي .
كيف انا لا جا غيابك ؟!.
وصارت الدنيا دروب .
كل باب تفتحه ؛
كود بابك.
وصارت الذكرى سماتي
وصرت ريشه في مهب الريح
كل ما اشرف للثبات ؛ اطيح
وضاقت بعيني جهاتي.
لو نويت إنك تسافر .
وصار جوعي فيك مؤمن
وصار حظي فيك كافر .
ويش يبقى من خضار العمر؟
ويش يبقى من رماده.
تدري إنك لو تسويها
وترحل ؛ ماني بقايل .
لو بقول اللي بقوله؛
مابقى منّي بقية .
تدري من فيه البقية ؟
البقية :
في حياتي

..

..