ّاكتساح قوانين كرشوف000!!!

[مليح عياف الرويلي]

بسم الله الرحمن الرحيم


بداية يسعدني ويشرفني الانضمام لعضوية هذا المنتدى الشامخ الذي يعاني فرط العملقة الادبيه

بمايزخر به من كوكبة شعرية لامتناهيه000

وكلي زهو وانا ارتمي في اطرافه000 وانتشي من انفاسه


ويسرني ان انثر بين يديكم هذه المتواضعه:

[POEM="font="Arial,4,black,bold,normal" bkcolor="transparent" bkimage="./images/backgrounds/4.gif" border="none,4,gray" type=1 line=1 align=center use=ex num="0,black""]هاج القصيد وماج بين الحنايا=من شاعر(ن) جوارحه كلها(وقوف)

للجادل اللي طشرتني شظايا=وقلبي لها من بين الاضلاع مزفوف

والله يهي سوت بهمي سوايا=باسبابها تلبسه جني الخوف

دخيل ربك ناظري للمرايا=والوجه باسم واسود الشعر ملفوف

حتى تعذرين النفس بالشفايا= لازاد تنهيده على لذة الشوف

يامربكة حسن القمر والصبايا=من قنبلة حسنك غدا القلب مرجوف

يكفي سكنتي في جفير الخلايا=وفي غمد دمي صرتي حسام ملقوف

إليا ندهتيني "مليح السجايا"=من شفتك نرجس حشا ماهي حروف

جيش الرموش أقفى بأثمن سبايا=سيف الفكر وازين مغاتير بالجوف

ومن لامني من قوم سود النوايا=في حب من فيها القمر دوم موصوف

يبلاه ربي بالتهاب السحايا=يموت مايلقى من الناس معروف

يكفي كسبتك وردتين وهدايا=ويكفيني إني كل ماعينك تشوف

سهله مثل رسم القمر والزوايا=ومعقده كنك قوانين كرشوف

مبطي وأنا نفسي تعاف الدنايا=ولا آصيد إلا اللي لها تصفق كفوف

في قوس حجانك خيوط المنايا=وعلى جبينك راية العز والنوف

ولامر طيفك لك خفوقي فدايا=قلبي معزب وابيض خدودك ضيوف

وماآبي أطلع مابقى من خفايا=بس أختصرها أني احساس مخطوف[/POEM]