غرور القصيد

[مفوز التبيناوي]

بسم الله الرحمن الرحيــــم

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]هنوفٍ تمخطر لانّـها تملك الميـــــــدان=تنادي بعالي صـوتها وين من شِــــقـْته
تباهى بعودٍ فيه من وصف عود البــان=وشَعـْرٍ ليا غطى مضاليــــلها فهَــــقـْته
تقول انّي اجْمَل وصف يخطر على الوجدان=وكم خـــاطبٍ مــرّ بحيــاتي وطلـّــــقته
انا حــرّةٍ ماحابت فــلان دون فـــــلان=ولــكن ولي أمري يحـــابي من شفـقته![/poem]

ــــــــــــــــــــــــــــ

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]انا افصح حروف الضاد في خطبة(القطــان)=انا حرفٍ استعصى على(شوق)وانطقته
انا دارة التاريخ واسطورة الشجعــــان=وكم مــــرّةٍ ضاعت رسومه ووثــّـــقته
انا الملحَمَه ومجــادَل النـاس والعِرْفان=كـــم قــوم جمّـعْــتـَه وكم قوم فرّقـــــته
انا النـّـور للسّـــاري بدربٍ بلا عنوان=وانا النـّارلاقرّب فرَاش المساء احـرقته
انا عِلـّـِةٍ بالقلب في غـــالب الاحيـــان=وانا البلسم الشــــافي ليا جاء على وقته
انا البحْر بامواجه،انا الرّيح والبركـان=ومن مايجيد العـــوم لو حــاول اغرقته
انا الكنز باعماقه،انا الدّر والمرجـــان=انا البحْر بهـــدوئه، وانا البحْر بزْرقـْته
انا الدّهْربفصوله،انا الطـّيف والالوان=ونسيمٍ صحى في روضة خريم واعتِقته
انا الحب بانواعه،انا الكرْه والشيطان=انا المجتمع:أهل الوفـــاء مع منـــافقته
انا لعنة الحــاره،انا طيــبة الجيـــران=انا الشـّــايب الرّايق،وانا الطـّفل بطفقته
انا ضحكة الفرحه وتنهيــدة الأحـزان=انا اليعربي كلـّــــه: لســـــانه ومنطقته
انا لحنه اللي ردّده بالفـَــرح فنـّّـــــان=وانا العبرة اللي في فلسطيــــن خـانقته
انا الواقع اللي ديــدنه كان ياما كـــان=وانا حلـمك الــوردي تمنّيــت مـا فــقته
انا السّلـْم وجهوده انا الحرب والفرسان=انا غصن زيتـونه وانا السيــف ودْرقته
انا بي مرارالحنضل الكامل الرويـــان==وانا احلـى من اللي تحْـلـَم ولابعَد ذقته
انا الكذبة اللي حمّلـوها شهر نيســـان=بدا الكِذ ْب يكــثر وآفته من مصـــدّقته
انا أصدَق من الدّمعه على وجنة النّـدمــان =وانا أكذب من اللي كِـذبته دون مشنـقته
انا باختصارالسّالفه نبض كــل انســان=رفعت اسهمه مـرّه، ومــــرّات وهّــقته[/poem]

ــــــــــــــــــــــــــــــــــ

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]انا كنت مثل المهرة اللي بدون عنـان=وكم ســايس ٍحاول يروضني ارهــــقته
برزلي(محمّد)وانتخى لاجلي كحيــلان=مزاياي غارت من مزاياه وعشِـقـْــــته
تواضـَع-وهوطبعه- تبسّم وهو جذلان=وتطــاولت له واحيـا طموحي وعـانقته
محمد ولد زايد محمد رفيــــع الشـّـان=أميــر ٍ رقى بالمـجد واخلاقه فرقـــــته
نصيرالأدب غلطان من نافسه غلطان=عجَــز من يحـاول يتبعه عن ملاحـقته
بفضلك يابوخالد حديثي بكل لســـــان=وذا كـــان حلم ٍ لي قديـــــــم ٍ وحقـــقته
انا ادخل على اللجنه،على راســـها(غسّان)=يصكـّـون بـيـبان الشـّــعِر عن ملفــّـقته[/poem]

ــــــــــــــــــــــــــــــــ

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]وغرورالأنا من حقي وعندي البرهان=من اجلي حضَــر شيخ الشـِّعِر مع بطارقـته
ولاجْـلي تجمّـــعنا وحِنـّـا مِـلل واوطـان=ولاجلي، تســـــاموا بالشـِّــــعر ياعمــــالقته[/poem]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
مــــفوّز بن مقبل التبـيناوي الشمري