لاتسئليني ليه ضايق ومخنوق !!
_____________ ولاتسئليني عن سبب ضيق بالي !!
الحزن دمي والزمن قلب وعرووق !!
_____________ والضيق وقتي والشقا راس مالي !!
والشوق / لي قصه طويله مع الشوق !!
_____________ عنوانها المنفى وسود الليالي !!
منها خفوقي مات حسره ومحروق !!
_____________ وانا قبل موته علي قل والي !!
منفي ولالي دور / لاتحت لافوق !!
_____________ لا الأرض تقبلني / ولا الجو صفالي !!
وان صرت بين اثنين عاشق ومعشوق !!
_____________ لاني مع الواقع ولاني خيالي !!
وان بان بعيوني اعاصير وبروق !!
_____________ لاتسئليني قبل إجابة سؤالي !!
وشلون تبغيني اسامرك واروق !!
_____________ وانتي على علم بظروفي وحالي !!
كل شي له وقته / وكل شي في ذوق !!
_____________ وشين مهو وقته سريع الزوالي !!
مبطي وانا ضايق / وللحين مخنوووق !!
_____________ وكرهت نفسي والسبب ضيق بالي !!
فواز الفهيد - الرياض
آخر المشاركات
07-14-2009, 01:27 AM
ضايـق ومخنـوق !!
العرض الشجري