محاولة /// تيار الهوى

[فيصل ناصر]

صباحكم/مسائكم ورد


هذه محاولة بسيطة جداً أحببت أن أضعها بين أيديكم



مابي حنين .. ولا ونين ..
وماني أنا ذاك الحزين ..
اللي نزف جرحه سنين ..
أنا سعيد بدنيتي رغم السيوف الطاعنه ..

رغم الألم رغم الدموع ..
أشعلت في ليلي شموع ..
أصبر وأنا ماني جزوع ..
والله يجازي هالصبر ..

ما مت من طعنة صديق ..
ولا رفيق ..
يصير بعيوني غريق ..
ويموت فيني للأبد ..

يا قلب لا صكت عليك الذكريات المؤلمه ..
لملم شتاتك لاتناثر لملمه ..
ثم علمه :
إن الحنين اللي بعد فرقا طويله ما يفيد ..
وإن الهوى طبعه عنيد ..
والمشكله ما فيه أكيد ..
إلا الجروح ..
وغير الجروح ما فيه أكيد ..

هبيت يا وجه الفراق ..
شلون طبيت بحياتي وأصبح الماضي حراق ..
وأشياء كانت ما تطاق ..
صارت بصدري تطاق ..
هبيت يا وجه الفراق ..

ياقلب وشلك بالشقى ..
من راح راح ومن بقى معنا بقى ..
هذي هي الدنيا لقى وفراق وفراق ولقى ..
اللي نزل غيره رقى ..
مير أنت وشلك بالشقى ..
خل الحنين لمن لهم يمك حنين ..
لو انهم ذاقوا مرارات الونين ..
ما باعدوا عنك سنين ..
وأنت أحترقت فبعدهم ..

خلك سعيد ..
وعيش عمرك من جديد ..
يعني وحيد ؟..
شالمشكله لا عشت بأفراحك وحيد ؟..
ما كنت عايش في زمانن راح بأحزانك وحيد !!..
شالمشكله لا عشت بأفراحك وحيد ؟..
ولامر تيار الهوى أبعد بعيد ..
وإن حاول وحاول معاك ..
قله أنا طبعي عنيد ..
وما راح مني تستفيد ..
خلك بعيد ..

إنسى زمانً راح تمليه المآسي والجراح ..
يا قلب دمي من كثر ما ضقت صاح ..
إلىمتى نزفي مباح .؟؟
إلى متى نزفه مبااااااااااااح ؟؟؟؟؟؟!!!!!!!!!!!!




تحية لقلوبكم الناصعة