الضرب بالميت حـــــــرام ؟؟؟

[عبدالعزيز سحل]

عندما تتناثر الحروف عبثا في فم الرمزيه لتعبر عن مشاعر مكبوته في قلب مفجوع يعاني

من ليل سرمدي في زمن لايستطيع المرء البوح فيه الا للاموات معاتبا لرحيلهم دون استئذان
[poem="font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الضرب بالميّت حرام لكن ابكسـر هامتـه=ابضربه واشفي غليلي وادفنه وابكي عليه
شفت السواد بكل وجهه يرحم الله شامتـه=ماهو انا اللي ذابحه جريمته فعلـة يديـه
مسكين عاري باللحد وانا شعوري خامتـه=ابحفر القبر بيدي واعطي شعوري للسفيه
بليد حتى بموتته كـل المشاعـر صامتـه=عزّي لعينٍ تندبه عـزّي لعيـنٍ ترتجيـه
عزّي لقلبٍ ينصحه عـزّي لنفـسٍ لامتـه=عزّي لشخص يذكره عزّي بعد للي نسيـه
تكفون مابي سيرته وأعيش فـي دوامتـه=يكفيني اني بالعزاء عجزت اعزّي والديـه
ياهاجسي لاتظيم قلبي والليالـي ظامتـه=يكفيه شيّ شايله مايحتمـل شـيّ يجيـه
يعني تشوفه باللحد وتقول لـي سلامتـه=وش تقصد برمية سؤال شامتٍ ماهو وجيه
الذاهبه راحت مع اللـي لاركـب نعامتـه=يذهل عقول عداه لابيّن مع اليوم الكريـه
شيخٍ وضعها فوق راسه والبست عمامتـه=هو احتواها بالشموخ وهي بعزه تحتويـه
راحت مع اللي لاجلهـا مافكـر بزعامتـه=خل الزعامه والولد وابن الولد واللي يبيه
بأسبابها وصل السماء الا اعتلاها بقامتـه=الذاهبه ياهاجسي يحلّهـا شخًـصٍ نبيـه
[/poem]