هالكون واسع ليه انا احس بالضيق

[عبدالله سماح المجلاد]

لكل الغالين في أبعاد وكل من في أبعاد غالين جداً
هو بس انا من بين كل المخاليق
ـــــــــــ اللّـي عَزَاهْ ابْ(ساعة) الضيق حِبْرَه
عينـي شِعِـرْ تبكي رحيل التوافيق
ـــــــــــ وحظّي كسيرٍ مَا قِـوى الوقت جبره
ها لكون واسع :ليه انا احس بالضيق
ـــــــــــ مـَا كِنّـي الاّ سلك في خرم الابره
واللي بكـفينـه لَعَـبْ بـا لمعاليق
ـــــــــــ هَـا جَرْ مَعَهْ من ظلم الايام عبره
أقْفَى وهو ضامي وانا ناشف الريق
ـــــــــــ وفصدورنا لاصوات الاحزان،نبره
(وَدّع) ْوِحَملّني (تَعَبْ) فوق ماطيق
ـــــــــــ مُنْهَك جِسَـد ووجيـه الايام غبره
وانا معلّق في رجا الوقت تعليق
ــــــــــ ومالي على تصريف الاقدار دبره
أدخل بغيبوبه من الحزن وافيق
ـــــــــ والقى زما ني مثل ماكنت اخَبَْره
بالضيقه يجدّد معاي المواثيق
ـــــــــ حتى تحـدّانـي زما ني بكبره
وما دمت انا طير وجروحي مسابيق
ـــــــــ قلبي على ها لضيق يا قوّ صبره
وما دام مـا للطير نـزعه وتحليق
ـــــــــ لا والله الاّ بـا قـي العمر ثَبْرَه
وتدري بخير:الله يحييك يا لضيق
ـــــــــ جيتك جنازة ميّتٍ وانت قبره