.. ( طـريـق الـذكـريـات ) ..

[مشاري الشليمي]

(طـريـق الـذكـريـات )
.
.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
على صهوة طريق الذكريات أبعدت بـ الغربال .. = إلى ديره غريبه .. ما تشابه غربة أفكاري
تخيـّـلت الشجر أطلال للـ مجهول والآمال = و شفت الشمس تقتل أمنياتي بـ لون أشجاري
نبيل الحزن في كل الظروف .. إلا مع الرحال .. = يجي كله .. ولا يترك وراه الجرح للـ ذاري
طفولة حلم ماتت .. من قبل لا تحلم الأطفال .. = تنصّـيت العنا من يوم ما أعلنت مشواري
تفيض العين .. بـ دموع الحنين .. وحرقة اليامال .. = وتخنق عبرتي طهر الجبين وعزف قيثاري
وتطري لي بوسط الذكريات اللي تجي تختال .. = خُطا اللي لجلها ماي المشاعر يسبر أغواري
تذكرت إنها تتبع مشاوير ٍ تعبها طال .. = وأسمع طقطقة خطواتها بـ وجيه أحجاري
ترا لا من تباعدنا و مرت في الخيال أزوال .. = يغيبون إن بدا طيفك يشب و يحرق الطاري
أحس الوقت يتكسر .. و يتشكـّل على عذال .. = وأشوف أول بدايات النهايه مطلع أشعاري
تعبت أرسم على غيوم السما ألوانها أشكال .. = تعبت أقتل دموع الانتظار بـ تافه أدواري
تعبت أستجمع أطراف السؤال اللي غدا تمثال .. = تعبت أبني إجاباتي صروح وأهدم أسواري
تعب .. أتبع متاهات المصير وفرحتي تغتال .. = تعبت أجمع شتات الذات وأغرق وسط أنهاري
ما بين إني أكون الكل .. أو إني أكون اللآل .. = تسربلت الغرام اللي حرق أوراق تذكاري
ولو الحلم في كل إتجهاتي غـدا تزوال .. = حلفت أتبع خطاويـّـه و لا أستقبل أعذاري
صحيح الحب يا سود الليالي باقي ٍ ما زال .. = يردد حرقة الغربه بـ تذكاري و أشعاري[/poem]

مـجـلـة وضـوح ,, عدد سبتمبر 2008