آه يا هذي الحضارة
كانت الأحلام غابة ..
ليت بس ما سوّروها وزرعوا الجدران فيها
كيف أجيها !!
كنت أهاب أوصل إليها وهي عذرا
رغم إني أول الي شاف تفتيح البنفسج وإزدهارة
وراح يتهجـّـا إنفعالاته ويقرا
كيف يتحسّس يديها
وكيف يهديها إنبهارة
وش بقى بعد إنتمنّى ؟
دام فينا الخوف يـسـرق أجمل اللحظات منـّـا !!
* * *
لا تبالي ..
من تزوّجته نسيتك
ما بكيتك حتى يوم إنّي أمرّ بجنب بيتك ، ما بكيتك
حتى إسم أكبر عيالي
صج مثل إسمك ولكنه تسمّا بإسم خالي
لا تبالي ..
* * *
أطرق براسه وحبـّـات العرق،
باست مداسه !
* * *
لا تبالي ..
تبقى يا شاعر مثالي
ذكرى وتداعب خيالي من سنيــن
لين ما اتناثر رمادي وليل شعري به تحنـّـا
شفت كيف الخوف يـسـرق أجمل اللحظات منـّـا !!!
يُتْبَعْ ..
آخر المشاركات
07-25-2008, 06:17 PM
ــ تفعيلة الخوف !
العرض الشجري