هات لي قصيدة وعلاقتك الـ شعريّة معها

[عبدالعزيز رشيد]

لـ [قسمة العمراني]
كلّما اشتقت لـ قراءة جديدٍ لقسمة إذ ان شعرها قريب لـ روح ذائقتي تذكّرت هذا النصّ إذ أنها خاطبت كلّ من يبحث عن شعرها لأندهش من قرب شعرها

الغياب اللي يجملني بنظركم
ـــــ أتركوه يعيد تصديري إليكم
أشتهي أغيب وإن غبت أفتكركم
ـــــ ويبتدي شوقي يتوجّد بي عليكم
والمراكب راسيه بي / فـي بحركم
ـــــ والبحرموجه رماني لـ شاطئيكم
والفؤاد اللي رميتوه ومكنتم
ـــــ واعلياواعليه يموت فيكم
وإن خطرتم أورحلتم أوسكنتم
ـــــ الخطاوي سايره بـي تقتفيكم
في غيابي أفتقد فـيّة قلمكم
ـــــ وتزهرحروفي على راحةأيديكم
وأتهجا دايم إحساس/ ن/ كتبكم
ــــــ لاذكرتوني وقلبي محتريكم
ياعساني وكل مافيني فدا لكم
ـــــ أنتم الأول وأنا أقف بآخريكم
والله إني كل ماغبت أنتظركم
ـــــ في إياب / يردّني/ في مقلتيكم
والغياب إن كان سافربي بعدكم
ـــــ يتسّكع بي ويأخذني عليكم
أتركوه يعيد ترتيبي بورقكم
ـــــ أتركوه يجيبني (قسمه) إليكم