أحبك ... كثر أمي

[محمد مهاوش الظفيري]

[POEM="font="Simplified Arabic,5,black,bold,normal" bkcolor="transparent" bkimage="" border="none,9,black" type=1 line=0 align=center use=ex num="0,black""] يا طول ليل القصيد بخافـق الشاعـر=يسري مع القاف والمعنى يبـاري لـه
فـي ليلـةٍ مـا لهـا أول ولا آخـر=هاضت جميع المشاعر مـع مواويلـه
مدينة الشوق زانـت والقمـر ساهـر=يروي عـذاب الليالـي مـن تراتيلـه
حبيبتي ... والمحبـة بحرهـا هـادر=الصدق جاله وناموس الشـرف سيلـه
أنـا أحسـك بقلبـي منتـدى ناضـر=ومجلس عقيدٍ تباهـى فـي فناجيلـه
وحلم ربيعي..ومنظر شاعري ساحـر=وشيخٍ تحدى القبايـل فـي رجاجيلـه
ومشهد من الأمس يجذبني إلى الحاضر=وحاضر طفولي من إعجابي أغنى له
ولون الغروب البديع وسحره الباهـر=والشمس ترسل شعـاعٍ فاتـر حيلـه
وفرحة يتيـم وبقايـا نظـرة مسافـر=وشاعر خيالـي تغنـى فـي تماثيلـه
والديـر والرهبنـة والعابـد الطاهـر=في تالي الليل يشكي الذنـب والميلـه
حبيبتـي يـا حبيبـة شاعـر ثايـر=يوزع الحـب والبسمـة علـى جيلـه
تمددي في خفوقـي واتركـي باكـر=واليوم والأمـس والكـون وغرابيلـه
وعيشي غرامي مسافـة مالهـا آخـر=مهما مشيتي يا عمري ما وصلتي لـه
وإلا تعالـي معـاي نطيـر ونهاجـر=مع الحمايم .. وكل عاشق ننادي لـه
حبيبتـي والمحبـة روضهـا زاهـر=الورد بنّـه ونسمـات الشجـر هيلـه
أنـا أحبـك ولكـن طبعـي مكابـر=الغش ما أقبله .. والذل بغضـي لـه
وأنا أحبك .. كثر أمي وأنـا شاعـر=يسري مع القاف .. والمعنى يباري له [/POEM]