اقسى مسافاتي🦋

[تغريد الغامدي]

.
.
.
فقدت.. ولا فقدت الا محبة تشبه التأويل
وقلبٍ عتمة ظنونه تجرّح بارقة صيتك

انا اللي لو ترجيتك .. نثرت الحرف والقنديل
وقلت اقسى مسافاتي طريق واخره بيتك

فراق الذل ماهو ذل..اذا تفطن لما قد قيل
وعز النفس عن كلمة وعن معنى وعن ليتك

يظللني ظلام الليل ..وانا اللي لك طويت الليل
ادور عن سنا نجمة ولو تهديني اهديتك

غفيت ولا غفت عيني وجيت اضلل التعليل
ادور للخطأ وجهة ولو صابتك اخطيتك

اشوفك في عيون الناس وفي عيني عتب ماقيل
ولا تدري ظنون الناس عن الخافي وتاليتك

اذوق الجرح من حرفك وانا صمتي يسن الويل
وانا اللي لك نهيت القلب ولجل رضاه انهيتك

على الذكرى سنين الضيم وحكم كل عدله ميل
عسى الايام تجبرني بصبر به تخطيتك