ماذا لو عاد معتذرا … ؟

[شذرة السيف]

عندما عاد لي معتذرا

تذكرت نص الشاعر بدر البتال :


آخر كلامك قلت لي منت مجبور ..// .. وش رجّعك بالله بعدك تبيني ؟
وصّلتها لفراق ومنت معذور ..//.. ابيع بايع واشتري مشتريني
ومادام قلبك خالي احساس واشعور ..//.. ماني بحاجة قلب ماحس فيني
ماني على خبرك تمثّل لي الدور ..//.. ولاني على كيفك تروح وتجيني
طبع الزمن له جور والحب له جور ..//.. وجورك على جور الزمن مبتليني
ضايقتني حتى وانا دمي ايفور ..//.. وكذّبت في شي حصل شوف عيني
كاذب..اناني..ميت احساس.. مغرور ..//.. قاسي..عنيد ويا خساره حنيني
وشلون امدّ الكف والكف مبتور ..//.. من قلبك اللي مايقدّر يميني !
وقت ٍ مضالك مالقى مني اقصور ..//.. مابقى الا اشيلك براحتيني
كتبت فيك حروف وابيات وسطور ..//.. ليتك تحس وليت قلبك يبيني
زرعت فيك الكبر واصبحت محقور..//.. واعميت عيني من رفالة ايديني
رجعت من قدرك وواجهت بغرور ..//.. واوّل وفاك تروح .. ماتحتريني
واليوم ترجع لي بعد غيبة اشهور؟..//.. ودّك تعيد الحب؟ لا يا ضنيني
ماعاد باقي غير اوادعك مكسور ..//.. راحت عليك ويا خسارة سنيني
العام فلبي يوم الاقيك مسرور ..//.. واليوم عقب الودّ لاترتجيني
واذا ذكرت العشره بقلب مقهور ..//.. تذكّر اللي صار بينك وبيني
وابعد بعيد وعن فعايلك مشكور ..//.. الربح نفسي والخساره لعيني
اخر كلامك قلت لي منت مجبور ..//.. والحين اضنّك منت مجبور فيني !

.
.