كبرت أحلم
ومات من الحلم أكثر تفاصيله
ومازال الأمل باقي
يرتل حزبه وينفث
على صدر ارتباكاتي
ويحكي لي
عن خيوط الصباح الضاحك الآسر
عن أيامي معك
وآخر مواعيد الغرام الموجع الكاسر
عن اغصان الشتات
اللي سكن في غربة أحزاني
وشوك الماء !؟
وسكين الألم .. والصمت !
وطابور انتظارتي !
يهدهد قلبي المشحون بغيابك !
ونظرات العيون العالقه ببابك !
يطمني على باكر
يقول بينتهي هالليل !
وتشرق شمسكم ويميل
شعور الحزن والخيبة
ولو طالت به الغيبه
أكيد انه - غصب - معذور
يحاول والشتات أكبر مناديبه
تحسينه !؟
اذا مرت بك النسمة
على غفلة شعور الناس
يطيح احساس
وتخنقنا المشاعر بوح !
وطفل الأمنيات أبكم !