السلام عليكم ورحمة الله وبركاته
عودة للزمن الجميل وصفحات أبعاد الجميلة
من جديد لعله يليق بكم ،
ورى حياة اللي ماعنده تكاليف
يا طير وش بيّح بصدرك كنينك
في خايعن ماجاه طرقي ولاضيف
خلك على عزمك وقوّة يقينك
عما يشاع ببعض كثر السواليف
مرر ، ولا تفكر في ما قد يدينك
فالارض كم شفنا وكم فات ماشيف
عاد الكلام اللي ما بيني وبينك
أبنلك مجدٍ فوق روس المشاريف
وأظفر بفعل اسمك ومدة يمينك
من وقتنا اللي صار في وقتنا مخيف
ماحدٍ بغير الله وجوده يعينك
في زحمة الايام والكذب والزيف
ماعاد تفرق من عدوك عوينك
وإن كان مرتك القلوب المواليف
كابر ولا يكسر شموخك حنينك
أمين فـ اسرارك والى ضقت ياحيف
من يقدر يكون بـ زمانك امينك ؟
انا اعرفك طيّب فضا شامخ منيف
تموت ما باحت خفايا سنينك
في عالمٍ ضيّع ( مقام المعاريف )
وعلى صمودك حاول أنه يهينك
الله يبيّض وجه بعض ( المواقيف )
لا عرّت اللي كان طيّب بـ عينك !
وسلامتكم 🌹
آخر المشاركات
05-02-2020, 06:02 AM
مقام المعاريف !
العرض الشجري