وصلت المنازل وانسكب دمعي الهمال
تذكرت بيت روعة العمر بقباله
مساالخير ياذيك المواكير والاطلال
ومسا الخير يا طربة خفوقي ومدهاله
غلاكم بقى ماهزه البعد والترحال
وسلامي عليكم بالوفاء مدد حباله
على كل من ودع وله بالحشا منزال
لو القبر بيته عندي الصدر منزاله
وعلى كل نادر مالتفت بم كثر المال
ذبحه الحنين وولع النار لدلاله
تكايف على فنجال راسه وستر الحال
يدورالزمن والوقت ماغير احواله
عرفة الوجيه وسنحة الشهم والا نذال
وعرفت الكريم يروض الطيب بافعاله
بعض وجه يشبه للسحاب ان لفى يختال
اذا ما نثر مزنه تفييت بظلاله
وانا لاذكرت اللي علومه وفا وجزال
ووقف وقفة تزهى لمثله وتزهاله
اقول الله اكبر من غدى لي سند وعقال
هقاويه غير ولا انحنى للحمل شاله
له القدر وانفاس الموده وسيع البال
وله الصبح الابيض وابيض الصبح لعياله
عطيته قصيدي والحمل خمه الحمال
قبل لايخمه وافي الكيل بجلاله
علي الحرام ان المواقف تجيب رجال
مثل ماالليالي تنجب عفون وحثال
آخر المشاركات
07-13-2018, 11:44 PM
المنازل
العرض الشجري