موقف طارئ ومألم

[عبدالله البطي]

مدخل لبعض المعنى ...
وبعض ماجرى

ازريت ادافع غبن صدري وانا ضلع
قهر الرجال وغبنها يكسر اضلاع
انا ابتسم لكَن بضلوعي الملع
ليه انحني ياذيب وازوع الارواع
احز عرقي حز وابالعه بلع
مبطي يحاديني وضلعي فلا طاع
ماشكي ردا الايام لو قلعها قلع
انطح لهبها وادوي الصوت باجزاع
خذها نصيحة حي من واهج الولع
الي كواه الميسم وزنه بصرواع
لو خان كتفك اقطعه لو ضرا الخلع
كب الصديق الي معه عشرة اطباع


اجابات لتساؤلات لم تكن ضمن قناعاتي

هنا

اثر الوجيه اشكال ماهي معايير
وانا احسب ان البيض مثل النوايا
ما جيت ادور زود عندك وتقدير
لاترفع الصوت بكثير الرزايا
كتفك عليه انجوم والا دنانير
من غشك ان البرق كله مزايا
الدمع براقه ولمعه مسايير
مروا على قلبن بلته الخطايا
وش عاد لو انك على الكرسي امير
انا على المرقاب يصدع نبايا
رويت من كفي وعينك على البير
جداول الافكار مثل المنايا
بصب لك من دلو الافكار تعبير
وانهل من المعنى كبار العطايا
بالمختصر يضفي على الضفه بخير
وينبيك بالمكتوب كل الحكايا
منت اكبر المأمول وعرفك مخاسير
احسبك راس ابعير واثرك مطايا