اشتاق لك ؛ واحب قربك ؛ ولا زال - ودي عليكم لا تفكر نسينا / بداح الشويب

[بداح المطيري]

[sor2]http://im49.gulfup.com/FAyE48.jpg[/sor2]

شفت الظروف وكنت اشرح لك الحال
والوضع ؛ بانت صورته وانتهينا

لا تفرح اني قلتلك حالتي عال
دار الزمن والحين دارت علينا

ماكنت اصدق قولة القيل والقال
وماكنت اقول ان السوالف تجينا

كانك تجربني ترا بعض الافعال !!
تصدم ولو انك ؛ بـ حبك تبينا

وكانك تدوّر ايّ زله بـ مرسال
ترا الفراق اللي برجله يجينا

ضحيت لك لكنّ على كل الاحوال
هذا قدرنا والحكم جا علينا

عقدك مع الخاتم ومهرك وسلسال
وعلى الحلال اللي لـ قربه سعينا

ادري نصيبك انكتب يم ؛ رجال
وتدري على قربك ترانا مشينا

اشتاق لك واحب قربك ولا زال
ودي عليكم لا تفكر نسينا !!!

#بداح_الشويب