شبه اغتيال

[إيمان الشاطري]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهقيت إن الحزن شبه اغتيال=يسرق الفرحة من أحضان العيون
لين حسيت بمرارة هالسؤال=وش سوات القلب لاغاب الحنون؟!
ارحل بنفسي لو صلك يا اعتزال =ولا ابحث عن منافي للجنون
ليه هالدنيا تمنيني بخيال=وتكتب لفرحي (محال تلتقون)
ياحياتي زاد جرحي ودمعي سال=في سطر عمري وزود بي الطعون
لا تصد وذايبٍ قلبي بوصال=لاتقول آبتركك ويا الظنون
عشقنا لازم يحقق بالحلال=وحبنا مايثمره إلا البنون
عطني كفك ودي أغفى بك وانال=من تفاصيل الحزن يا احلى فتون
السما والغيم وإحساسك جمال=والقمر والشمس وانت (وش يكون ؟)
سحر فاخر جمعه ربي بكمال=وسط واحات الرضا لجلي عيون
غرد بغصني ترى هالصمت طال= انثر الضجة بأركان السكون
ابعث الإحساس وارويني وصال=وارسم الجنة لعين العاشقون
دامني أنثى لسيد هالرجال=بانتظر خيرك وتمطر بي مزون
باحتريك بقلب هايم لامجال=إنه يغير قراره أو يخون
قلب صايم ينتظر كلمة تعال=اسكن بروحي واغفى بالجفون
احضن ايدي كالأميرة باعتدال=واصرخ وردد ترانا صابرون [/poem]

http://oyoonalfajer.com/articles.php?action=show&id=20