شكرا لمن اوصلني الي هذا الصرح الشامخ بـ أعضاءه ..
ابيات اتمنى ان تنال على بعض من استحسانكم ..
لـ ذاكـرة ثـوبٍ يـعطـٍّر زماني
.................فـاح بـخيالي جرح واحزان وطيوف
تـدري.. احـس ..ان الزمان ابتلاني
.................بـ القلب كنّه حرب وطعون وسيوف
مـاعـاد قـلبك مثل الاول..مكاني
.................ولا عـاد لي قلبٍ للاحباب مكشوف
الله عـطـا والله اخـذ مـا عطاني
................وش حيلتي ..لا صارت اعذارك ظروف
اول تـجـي..وافـرح اذا جيت عاني
..................واكتب لك اجمل ماتغنيت بحـروف
جـيـتـك سؤالٍ ذاب وسط المحاني
..................واقفيت مثل اللي يبي منـك معروف
ودي اقـول اصـبـر ..حبيبي ثواني
..................ذاب الـحكي من سبة الجرح والخوف
واقـفـيـت ما كنك من الناس داني
...................تـشـوفني ميت.. ولا كنك تشوف
الـلـي عمى قلبك ..ياليته ..عماني
...................ولاصرت تايه بـ الخطاوي وملهوف
والـلـي دعـا قـلبك..يحطم كياني
...................لـيـتـه دعا قلبي على شي مألوف
مـثـل السفينه صرت ..وانت المواني
...................عقب الغلا صارو معازيبــك ضيوف
ابـشـرك حـالـي مـثل ما تراني
...................احيان بس احيان .. في ضحكتي آوووف
الله عـطـا..والله اخـذ .. ماعطاني
...................وعـسى التعب عقب البهاذيل مخلوف
ولا تـنـشغل فيني حبيبي .. عشاني
.................مبطي خيالي جرح واحزاني طيــوف
تحياتي للجميع
عبدالإله العلي
آخر المشاركات
03-18-2007, 02:55 AM
جرح الخيال .. ! مصافحة اولى
العرض الشجري