***غابة نخيل*** (تسطيع القول أنه الحضور الأول)

[أيمن الشهاري]

(غَاْبَةْ نَخِيْلْ)

[poem="font="arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا الغلا ضاق الربيع= كلّما تاتي يضيع

موسمي مسروق ظلّه=والـثمـر يا بـنـت قـلّه

لو يموت النخل كلّه =شاعرك غابة نخيل.

***=***
مانيَ بْقاسي ولا ني= كل يوم آجيك ثاني

كلّها زحمة ظروفي= ظاهري تلقيه جوفي

هزيَّ اكتافي وشوفي = كيف بتساقط هديل.

***=***
شاعرِك عضّه غباره=للأسف ينزف وقاره

الحزن قلعــة سروره=وانتي احْصونه وسوره

كيف يشرح لك شعوره= والخجَل طبعه بخيل

***=***
وديَ أنحر لك شتاتي=واعبرك عاجسر ذاتي

يا سما هلّت مواجع= كلّ بوني فيكِ طامع

لا دموع ولا مدامع=طالما اني بك قتيل.

***=***
والله انك راس مالي=جيت لك والقلب خالي

حُجَّتي انتي وحِجِّي=شقّي احداقي ولجّي

ولو لقيتي دار زنجي=لا تـقـولي الا ذلـيـل.

***=***
آح من طعنة غروبك=كم لها تنزف هبوبك

ما تضمدني ابتسامه= كيف وجْروحي ندامة

هو بقى للعشق شامه=نعرفه قبل الرحيل؟!

***=***
كم حلمت انك تبيها=لا تــجيـك ولا تـجـيها

وانت يا مغمور طيبه= تدري وش اكبر مصيبه؟

-عشقة الناس القريبه= والـــشبِر لا صار ميل

***=***
والله انك صرت ضامي=من جفا بعض الاسامي

لـعنـبوهـا كـل ديـره= لا رفاق ولا عشيرة

يا عسى فـ الصمت خيره=واصبر الصبر الجميل[/poem]