ألــــــــــف وسفا وألــــــــف ياحيف!!!!!!!!!!
الى تلك الريم المستريبة ...
الى ذلك الجسدالنحيل ....
الى تلك الروح الحالمة ..
الى نبض لم يجد الدفء في قلب الآخر ...
أقدم هذه الفراتية المتواضعة :
بعدشتريداسويلك ...
ولك حتى الدمع بالعين
خلصته...
تريدالعين أبكيلك؟!!
ولك حتى البرق بالروح
طفيته...
تريدالروح اضويلك؟!!
تريد اقعد عند راسك والولك ..
والاهيلك ..
واسولف قصتي وياك
مايلزم ...
كل الناس عرفت قصتي وياك
خلي الناس تحكيلك ..
يهالواهس ..
يهالباع برخص حبنا
تعب حسي ..تعب فكري
تعب كلي يناديلك
ولك غافي !!
على صدر الوقت غافي !!
حذاري من الوقت ياهواي
لوهوه يناغيلك
ولك تذكر؟!!
ليالي الصيف والقمرة
عيون من السهر فترة
وهي تنطر ..
على جيتك نذر تنذر
ومع اسراب الكراكي القوطرت
لباد كلفه..
ألف لهفة ..
ويادمعة شوق ياظالم ..
توديلك
أنا الغلطان !!
اي والله أنا الغلطان
تدري ليش؟!!
لإني جيتك بفرحة عمر طاير
وملتهقلك ..أبديلك
وانا المجرم !!
تدري ليش ؟!!
لأن هذا القلب وياك وقف
وقبل لاتوقع يشيلك !!
وانا الكذاب!!
اي والله أنا الكذاب
تدري ليش؟!!!
لاني الصدق علمته الصدق وياك
اش احكيلك ؟
وش ابديلك؟!!
ولك موقدجمر بين الضلوع
هواي ضميتك ...
واقولن ذا حبيبي الماأفرطن بيه
وتاليها !!ولك وسفا
ولك وسفا وألف ياحيف
بعد شتريداسويلك ؟!!!
الطائر المفقود
عبدالكريم محمدالعفيدلي
آخر المشاركات
10-29-2008, 02:48 AM
ألــــــــــف وسفا وألــــــــف ياحيف!!!!!!!!!!
العرض الشجري