حــــــــــــــــــــــروة غــــــــــــــلآك ,, نــواف التـــركـــــــي

[مشاري الشليمي]

أهدي النص لـ من جعلني أكتبه

ثم لـ نواف التركي

ثم لـكم





[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] تلاقينا وصرت إنت الوحيد اللي ملا دنياي .. = و غيرك راحت سنينه عبث ما حرّك إحساسي ..
تخاوينا على درب الفرح وخطاك جنب خطاي .. = وعدتك تبقى بعروقي غلا ما يعرفه ياسي ..
زرعتك نبض .. وإحساس .. ومشاعر .. وألف راي و راي .. = على حروة غلاك ... وجبت لك حبري وقرطاسي ..
أبـ أقلط صدر مجلس خافقك خابر هنا مركاي .. = وأبشرب من فناجيل الوصل ما يجلي عماسي ..
وأبا أهيجن على ربابة الاشواق يا مسراي..= أنا شاعرك .ديوان المحبه وإنت جلاسي ..
وأبـ أسمعـّـك آخر ما كتبته فيك يومك جاي .. = و شايل معك ضحكات الزمان و جيت متواسي ..
بـ أجر الصوت لين الصوت يوصل أبعد إمن إحكاي .. = ترا بعض الحكي ما يعترف بـ حدود وقياسي .. !!
صحيح أشيا كثيره بيننا ما هزها مغناي .. = ولكني أحاول أكتم الموضوع عن ناسي ..
إلى من زارني طيفك أسولف عنك رايح .. جاي .. = يطمني عن أحوالك وإنك منت لي ناسي ..
ترا كل الكلام اللي نطقـته من صدى ذكراي .. = بعد ما رحت يبقى قدرك بـ عيني وعلى راسي ..
عجز حظي ولا جابك وجر الحزن صوت الناي .. = وعتــّقت الغياب و ذقت طعم البعد في كاسي
وتبقى غيبتك أقسى مراحل عشتها وياي .. = ويبقى خافقك بـ الذاكره عشقي و نوماسي ..
تفارقنا ولا زلت الوحيد اللي ملى دنياي .. = وغيرك لو قضى عمره .. ( حشى ).. ما حرّك إحساسي ..[/POEM]