ماطرا لك |

[سعد البردي]

‏كان حاير ..
صمت .. وأحلام .. وحنين !
كان ما يقدر يقول
وأنتِ عييتي تجين
آه ليتك تشعرين
انكسر بأقصاه شاعر
ومات ضوء
وطاح عاثر
بس أنتِ ..
أدري أنتِ
ماخطر لك تسألين .
هو وينه ؟!
مات بك قدام عينه !
وما طرالك تسألينه
عن شتاته .. عن حياته
عن شكوكه .. عن يقينه ؟!
أدري إنك ماتبينه .
بانصحك لا ترجعين
وش يفيدك ؟
كان لملاقاك ناطر
كان طاهر
كان رغم الجرح صابر
ما بقى له يا حياته
أي معنى
وأي ماضي
وأي حاضر .