🍂 💤 رشفة نعاس 💤🍂

[تفاصيل منسيه]

السلام عليكم ورحمة الله وبركاته
صباحكم /مسائكم سعاده بإذن الله
بسيطه جديده اتمنى ان تنال استحسان ذائقتكم

وأقول :
يمــر الليل (تهويده) بمسْمـَـع خــاطري وآغـيــب
عــن شـْـعــوري ,, وكــنّ الليل مـرّ الليل بــي مرّه

يســاومني على (رشفة نعاس) إليا اسْتفاق تْطيب
وأسوْق العند لأجل احظى بلـحظه واكتشف سرّه

وكــل مــا آغمّض عيوني يعــيث بداخلي تخْـريب
وأقــوم مــن الوجع أغـْـسـل شــراع السهد وآشرّه

هـقـيـت انسـى تـفـاصـيـلـه ولكنّ الأمـل تعـذيب
وأنـا ادري بالأمــل مـا فــاد قـلبـي دايـم يضـــرّه

الا لـيت (الامـل به) جــرح لو مـرّ الزمـــان يطيب
الا لـيت (الأمـل به) ضـيـف راح بـْ خـيـره وشـــرّه

تـعـبـت آدور عْـيـوب بـْ غـرامـي وْلا لقيت العيب
أحـد يلقـى هـواي وْ ثـمْ يـدوّر ع الهــوى بــــرّه؟؟

أكـيـد الـعـيـب مـو مـنّـي..ولو ظنّي معاه يخيب
مـصـيـر الكـآس يـرجـع لـه ويتـجـرّع صـفـا مُــرّه

يـعـود اللـيـل وألـقـانـي ذكـرته والهـدوء يجـيب
طـواري من تـرك فـي قـلبي المـحـتـار بـه حَــرّه

يـعـود وْيـنـثـر افـكـاري ,, يـبـعـثـرهـا بلا تـرتـيب
وألـمـلـمـهـا عـشـان انـسـى وكـنّـه مـا تـرك ذرّه

الا يـا (خالص أشواقي) م بين الجـــدّ والتكذيب
بِـطَـرف آخـر رِسـايـلـه الـقـديمه ,, بـ القلم جرّه

بـخـل حتى بْـ حروف اسمه وأنا اتعبني التقليب
بـ دفتر ذكـريـاتـي ,, (لـه) ,, ألمّ الشوق وآصرّه

الا يـا مُـجْـمَـل احْـزاني .. الا يـا قسـوة التثريب
الا يـا كـلّ ما فـيـنـي (من اسبابه) : غدى شـرّه

رحـل واللي بقـالي منه ذكرى قد غزاها الشيب
وانا لـولا الوفـا فيني ,, أبـد م أشـْـتـاق وأتـشـرّه

يمـر الليل تنـهـيـده بـ صـدري وازْفـره وآغـيـب
عـن شعوري ,, وكـنّ الشوق ابد مـا قد عَـبر برّه

وسلامتكم