سور المحبة

[عبداللطيف ظاهر]

كــنّــا نــحــب وكـــان لأحـلامـنـا ســـور ..
وهــب الـفـراق وطــاح ســور الـمـحبّــــــة ..
مـــاجــور يـاقـلـبـي مــــن الآه مــاجـــــور ..
الـــجــرح أحــيــانـا بـــــلا أبـــــوه طــبـّـه ..
الـــورد مـــات وصـــارت صــدورنـا قـبـور ..
و الــــورد يــعــرف قـيـمـته مـــن تـعــبّـــه ..
ويـاصـاحـبي ظـنـيـتني مـحـطه إعـبـور ..
وأنـــا يـمـيـني فـاسـك الـلـى تـحـطـــبـّـه ..
كـنت الـظلام الـدامـس و كــنـت لك نـــور ..
وعــبــرت بــــك قــبــه.. وقــــبــه ..وقــــبـّـه ..
مـن كـثر حـبي لـك مــــلا قـلبــــك غــــرور ..
و يـالـيـت قـلـبـك قــبـل جــرحـي تـنـــبّـــه..
ودي أجيك وصعب أجي بقلب مـكــســور..
و قــلــبٍ كــسـرتـه جــبــره بــيـد ربـّــه ..
ودي أجـي لـك بـس يـنقصني شـعور ..
رجـــع لــي شـعـوري وخـذنـي مـحـبّه ..
مـاكنت أظـن الـوقت مـعك أنـت بـيدور ..
مــــن قــبــل مـاقـلـبـك بـقـلـبي لـعـبّـــه ..
حـديـتـنـي لـلـبـعـد ولا أنــت مــعــذور ..
إلـــيـــن مــاعــفــت الـــغــرام ومــهــبّـه ..
ياكـثـر ماجـيـتك وفـا وجـيـت بـقـصور..
يـالـلـي عـلـى الـفـرقا تـبـي أي سـبّـــه..
خــــلاص ومـحـلـلـك ذمــــه ومــسـتـور ..
والله غـــنـــي وأوضــاعــنــا مـسـتـتـبـّه ..
وأنا غـيابي غـياب وحضوري حـضور ..
ومــشـاعـري مــاهــي بــنـزوه وهــبّـــه ..
عـفـت الـمـدينة كـلها عـفت أنـا الـــدُور ..
مــؤلــم كــثـيـر الـنـهـر يـجـفـا مـصـبّـه ..
ربـحت نـفسي و الـثمن كـنت مـجبـور ..
إنــي أخـسـر الـلـي عـمر كـنت أحـبّـــه ..

2018\6\7