طلعت سهيل " بداح الشويب "

[بداح المطيري]

رحنا مع الدنيا وعشنا رياجيل
لو الملذات بحياتي ،، ترايش

نواجه ظروف الزمن بالتساهيل
ومرات لا والله نقفّي عرايش ..

اكثر ما نرقب فالحياه المقابيل
لو اعترضنا من المقاريد طايش

الصدق منجىٰ والزمن في غرابيل
احيان اشوف الكذب راعيه عايش

بعض الاوادم ماش مافيه تعديل
ودك تقدم له " شويّة حشايش "

في نفسه النشوّه وفالناس تطبيل
عقبه تشوفه ،، للمقابيل شايش

الطيب صفوّه والجمايل محاصيل
ودرب الجمايل صعب ماله مقايش

نحاول انعدّل من الوقت ويميل
بظروفنا ما ينفع ألا انتعايش

كبرّت راسي واهتويت المعاميل
وطاحت دراويش العرب بالولايش

انا عشقت البر ومصادق الليل
حتى لو إن البر فيه الهوايش ..

بكره يروح الصيف في طلعت سهيل
النفس يفرحها لا شافت رشايش ..

اغني بظروف الليالي مواويل
واسمع من العجّه صفير الدرايش .
#بداح_الشويب

 

[سعيد الموسى]

جميل يابداح هذا النص ..
-
الصدق منجىٰ والزمن في غرابيل
احيان اشوف الكذب راعيه عايش

ياسلام يابداح

 

[سيرين]

ويأتي سهيلك محملاََ بالضوء والمطر
فأستوطنه الشعر واعتلى مدائنه وارفاََ بالجمال والابداع
دمت ألقاََ شاعرنا المبدع \ بداح المطيري
ود وياسمين

\..

 

[تفاصيل منسيه]

الصدق منجىٰ والزمن في غرابيل
………………..احيان اشوف الكذب راعيه عايش

كلنا والله يا (بداح المطيري)

صح لسانك ,, ابدعت
تقبل مروري العجل من هنا
دمت بخير

 

[عبدالإله المالك]

نشوف المطر الصيب النافع بحول الله، يا بداح
أبيات جزلة تتناول حديث الذات للذات والحكمة التي تشي بالقناعة والسعادة، جميل هذا الطرح

 

[علياء]

_





انا عشقت البر ومصادق الليل
حتى لو إن البر فيه الهوايش


الله الله ..

أبيات جزلة ، وقافية رنّانة جميلة يا بداح
صح الله لسانك ملايين على هالطرح العذب





_