قلة أدب !

[ظافر الهرمسي الهاجري]

السلام عليكم


[poem=font=",6,blue,normal,italic" bkcolor="transparent" bkimage="" border="none,4," type=2 line=0 align=center use=ex num="0,black""]

وش تفهمين أن قلت : في روس الجبال !..............=
.............. ليل ٍ يحدر بي على ( كلمة : أحب )=
ليل ٍ تحدر بين هجرك .. والوصال .............. =
.............. وأرخى ظلامه في حضوري .. وانسحب=
شفتي ظلام الليل في ثوب الخيال ..............=
.............. بالضبط شفته يحضن عروش العنب=
خلا خفوقي غارق ٍ بالهملال .............. =
.............. ما بين ضيقات الأوادم والطرب=
كنه رسم هم ْ الليالي بأعتدال .............. =
.............. خط المفارق قبل ما خْط العتب=
وش تفهمين ان قلت : في جرحي سؤال ؟..............=
.............. ياطى على عذق المشاعر والرطب=
جرح ٍ نما في ساعة ٍ بعد الزوال ..............=
.............. قبل الغياب وقبل مـَ الشمس تغرب=
ما بين أيـْة ربما .. وأي أحتمال ..............=
.............. سريت في درب المتاهه والتعب=
سريت يوم أسريت في روحك بلال ..............=
.............. أذنت في روحك وشبيت الحطب=
واستدفت ضلوعك على ضوي ليال ..............=
.............. واخلفتي اظنون الرمادة واللهب..=
وذوبت لك سكر غلاك إلين سال ..............=
.............. حبي بدمك لين قلبك ما شِرب=
وسافرت معك وشفت فيك ألفين حال ..............=
.............. مره رضيتي بس والباقي غضب=
حاولت أبرهن في وجودك للهلال ..............=
.............. أني ما أفرق فيك شوال ورجب =
وش تفهمين ان قلت : ذاك الفي مال ..............=
.............. ميلت صدوق ٍ مل من كذب المحب=
يـَ مغيبة قلب الحزين الصبر طال ..............=
.............. والشوق مات بموت حبك يا الذهب=
واموادعك اصبح مثل كلمة تعال ..............=
.............. وعندك كريم الطبع أصبح مُغتصب =
كل ٍ يقول الشعر أو يكتب مقال ..............=
.............. لكن من الصعب المشاعر تنكتب =
لو تفهمين ان قلت : للفرقى محال ..............=
..............ابـتفهمين ان التلاقي له سبب=
مثلي عزيز النفس يا بنت الحلال ..............=
.............. اموت في عزه ولا ذل العرب=
يا بنت جرح الحب واسرار الجمال ..............=
.............. لا تزعلي لو قلت لك : قلة أدب ! =
[/poem]

 

[عواد سحل]

كـل ٍ يقـول الشعـر أو يكتـب مقـال ..............

.............. لكن مـن الصعـب المشاعـر تنكتـب

الهاجري

صباحك شعر

نص يعانق سماء الابداع

مودتي

 

[ظافر الهرمسي الهاجري]

المشاركة الأصلية كتبت بواسطة عواد سحل

كـل ٍ يقـول الشعـر أو يكتـب مقـال ..............

.............. لكن مـن الصعـب المشاعـر تنكتـب

الهاجري

صباحك شعر

نص يعانق سماء الابداع

مودتي

يا هلا .. بــ خوي عواد


حضورك الاول يزيد النصْ ضياءً ، ويزيد النفس بهجة

صح الله أبدنك / ولا هنت على مرورك العذب

ودي وأحترامي

 

[أمجد الدبيسي]

وش تفهمين ان قلت : في جرحي سؤال ؟..............
.............. ياطى على عـذق المشاعـر والرطـب

هنا اجزم بانك غير

وهنا

يا بنت جرح الحب واسـرار الجمـال ..............
.............. لا تزعلي لو قلـت لـك : قلـة أدب !


صح كلك وقبك

راقي ياراقي

 

[ظافر الهرمسي الهاجري]

المشاركة الأصلية كتبت بواسطة أمجد الجهني

وش تفهمين ان قلت : في جرحي سؤال ؟..............
.............. ياطى على عـذق المشاعـر والرطـب

هنا اجزم بانك غير

وهنا

يا بنت جرح الحب واسـرار الجمـال ..............
.............. لا تزعلي لو قلـت لـك : قلـة أدب !


صح كلك وقبك

راقي ياراقي

امجد

الرقي والله حضورك ومرورك طال عمرك

صح ابدنك

ولا هنت على التواجد الجميل

 

[بندر الخزمري]

ظافر لك أسلوب مميز
يجبرني على متابعتك


سلم نبضك الراقي

 

[ظافر الهرمسي الهاجري]

المشاركة الأصلية كتبت بواسطة بندر الخزمري

ظافر لك أسلوب مميز
يجبرني على متابعتك


سلم نبضك الراقي

جعلك سالم يا بندر

طاب لي مرورك العذب

صح الله أبدنك طال عمرك

 

[فايز بن جبيل]

ماني ابناسخ شي امن الجزلة محال

,, انا اقول ان اعذب الشعر انكتب

لله درك يا ظافر

ولك كل المودة والشعر

تثبيت بالقلب يارجل

صح كلك