//\\ .. ركعة السكران .. //\\

[أشرف الأشعل]

.
بسم الله الرحمن الرحيم

أخواني أخواتي روّاد أبعاد أدبية .. قصيدة خفافيّة أتمنى أن تليق ببعض ذائقتكم.


//\\ .. ركعة السكران .. //\\


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تطيـر السالفـة بيـن الخلايـق مالـهـا جنـحـان = ويحير العاقل ويلقـى صوابـه / حكمـةٍ لخبيـل .. !
وأنا عشت السنين أبحـث بهالدنيـا علـى عنـوان = أحصّـل فيـه جيـلٍ غيـر جيلـي يعشقـون الليـل
لأنـي مـا أحـب أنـام ليلـة والقـمـر زعــلان = يطـارد غيمـةٍ مـرّت قبـالـه ظنّـهـا / منـديـل
تعالـي وأفهمـي منّـي الحكايـة واللسـان حصـان = أبيـك تحاسبينـي مـن كلامـي وتتركيـن القـيـل
هي الدنيا كذا ثرماء ولـو نرسـم لهـا أسنـان .. ! = صعب ناقف على سفح الجبل ونقول مابه ميـل .. ؟؟!
صعب أجيبك لحايـل .. صعـب أعيـش فـي لبنـان = يعيبـن مجلـسٍ لـي فاتـحٍ بابـه بخـوره / هيـل
أنـا وأنتـي بهالدنيـا نشابـه ( ركعـة السكـران ) = تزيد إذنوبنا \ تكبـر .. ليـا زدنـا لهـا الترتيـل !
يمـر العمـر والقصـة كتابـاتٍ عـلـى الـجـدران = يترجمها طفل غلطة حياته .. نظرتـه / دربيـل .. ؟!
لو السيب اللعين يقول للمخطي عـن الغلطـان .. !! = لقانـا صامتـيـن ولا عطـانـا صمتـنـا تعلـيـل
أهاجر شـارع النهضـة وأطيـح بشـارع الخـزان = سنينـي يـا فهـد مهمـا أسـوّي مالهـا تبـديـل
خطاي أسمي نعـم أسمـي خطـاي وعلّـم الأبـوان = يسمّوني بدال أشرف .. أسم يقبل / فساد الجيل .. !!! [/poem]


تحياتي وتقديري

 

[سعيد الموسى]

.
.
.


والله العظيم أغرقتني شعر يالحايلي !

مبدع / مبدع / مبدع .... الخ ,

النص مملؤ بالشعر جداً جداً

 

[أشرف الأشعل]

المشاركة الأصلية كتبت بواسطة سعيد موسى

.
.
.

والله العظيم أغرقتني شعر يالحايلي !

مبدع / مبدع / مبدع .... الخ ,

النص مملؤ بالشعر جداً جداً

والله العظيم أغرقتني خجل يا سعيد
هذا فقط من حسن ذوقك وذاتك يا أنشودة المطر
أتمنى والله إنها حازت على جزء يسير من رضاك

ألف شكر وشرفتني يالغالي

تحياتي وتقديري

 

[ظافر الهرمسي الهاجري]

قصيدة جميلة من شاعر ٍ اجمل

صح الله ألسانك

وننتظر جديدك دائما ً

تحياتي لشخصك الكريم ....

 

[أشرف الأشعل]

المشاركة الأصلية كتبت بواسطة ظافر الهرمسي الهاجري

قصيدة جميلة من شاعر ٍ اجمل

صح الله ألسانك

وننتظر جديدك دائما ً

تحياتي لشخصك الكريم ....

ظافر وحروفك منحتني الجمال بجمالها
صح بدنك ولا هنت ولا شنت

ألف شكر يا بعدي

تحياتي وتقديري

 

[ميــرال]

.

هي الدنيا كذا ثرماء ولـو نرسـم لهـا أسنـان ..

ـــــــــ صعب ناقف على سفح الجبل ونقول مابه ميل .. ؟؟!

سيردد هذا البيت بلحظةِ ما

وسيبقى هذا الأسم ببال الشعر

اكثر من مبدع استاذ اشرف الأشعل

ومذهل

 

[أشرف الأشعل]

المشاركة الأصلية كتبت بواسطة ميــرال

.

هي الدنيا كذا ثرماء ولـو نرسـم لهـا أسنـان ..

ـــــــــ صعب ناقف على سفح الجبل ونقول مابه ميل .. ؟؟!

سيردد هذا البيت بلحظةِ ما

وسيبقى هذا الأسم ببال الشعر

اكثر من مبدع استاذ اشرف الأشعل

ومذهل

شاعرتنا الرائعة / ميــرال
بنظرك والله فقط يا أختي .. والإبداع تواجدك ورأيك اللي أعتز فيه
غمرتي هالخرابيش وصاحبها بإعطاءها من وقتك.

ألف شكر ولا هنتِ ولا شنتِ

تحياتي وتقديري

 

[فهد فالح البلوي]

لأنـي مـا أحـب أنـام ليلـة والقـمـر زعــلان

.............. يطـارد غيمـةٍ مـرّت قبـالـه ظنّـهـا / منـديـل

.

.

لو وضع هذا البيت / القصر .. في كفة وثلثين قصائد الساحة في كفة أخرى .. لرجحت كفته

شكراً أخوي أشرف