(شمال) و حاطب الليل

[نواف التركي]

.




.




.

بعض الأسئله تكون عفويه , ولكن قاتله .......!

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا الحايره حارت على دربي أخطاي=كل الدروب اللي تـودي غدتبـي

أقدع هموم وغربة الوقت مركـاي=وأغيب وألقى الذكريات أحضرتبـي

كانك قريتي وأعجبك بعض معنـاي=ما مشّتك بقعا بعـض مـا مشتبـي

الشعر هـمٍ لـو عتقنـي لبلـواي=كان أنتحيت عن العرب وأنتحتبـي

والقلب طيرٍ لا سجع راعي النـاي=ودّع ظلوعـي والمواجـع سرتبـي

من وين ما وجهت وجهي لدنيـاي=تغتـال هقـواتٍ كبيـره ربتبـي

ماكني ألا حاطـب الليـل سـرّاي=أوقدّ بفاسـي والريـاح أعصفتبـي

لا ما كتبت الشعر رغبه وبرضـاي=أنـا الدفاتـر والسنيـن أكتبتبـي

تقرين حزني في ملامح محيّاي=عشقي ((شمال)) ودنيتـي غربتبـي

يكفيك صوتي لا جذبته من أقصـاي=في العاليات الشـمّ ليـن أقفرتبـي

ويكفيك ليلي لا سمع بعض شكواي=يوقف يعاتـب دنيتـي لا أوقفتبـي

ويكفيك عن سجع الحمامات مغناي=ألحان جرحـي والحـزن غيّبتبـي

ياعاشقه للشعر تـوّ الزمـن جـاي=أبقى الغريـب بدنيتـي مـا بقتبـي

يا أنسه كن الزمـن سهـم رمّـاي=نيشـن سهومه للشتات ورمتبي

يحرث سنابل هالفرح من حنايـاي=أزرع ويقطف منجلـه مـا نبتبـي

كم طاح من وجهٍ على درب مسراي=أمّنت في بعض الوجيـه أغدرتبـي

وأنا أليا من ظاق مثلـي وشـرواي=أفرح عيونٍ لـو تظيـق أنتختبـي

يا أنسه باح أغلب الحـزن والـراي=أكثر همومـي للفضـاء سولفتبـي

يعني يكفّي ملّت حـروف معنـاي=ماحدٍ قرب للجرح كيف أحضرتبي

يالحايره حارت على دربي أخطـاي=كل الدروب اللي تـودي غدتبـي [/POEM]

 

[خالد صالح الحربي]

*
الشعر هـمٍ لـو عتقنـي لبلـواي
....... كان أنتحيت عن العرب وأنتحتبـي
وهوَ كذلك يانوّاف.
قصيدة جميلة كَـ.. جمال روحك.

 

[نواف التركي]

المشاركة الأصلية كتبت بواسطة خالد صالح الحربي

*
الشعر هـمٍ لـو عتقنـي لبلـواي
....... كان أنتحيت عن العرب وأنتحتبـي
وهوَ كذلك يانوّاف.
قصيدة جميلة كَـ.. جمال روحك.

خالد صالح الحربي

أنما هي روحك الجميله

كـ / المرأه تعكس لك نواف

بـ / هذا الجمال

ألف شكر

يا خالد

ودمت بخير

 

[فيْصَل الصَقّار]

انصح بالتسجيل في مدرسة التركي

 

[نواف التركي]

المشاركة الأصلية كتبت بواسطة فيصل الصقار

انصح بالتسجيل في مدرسة التركي

الصقّار


مرورك يربك الكيبورد


سلّم على قلبك

يا فيصل

دمت بخير

 

[وائل فهد]

كانك قريتي وأعجبك بعض معنـاي
ما مشّتك بقعا بعـض مـا مشتبـي
الشعر هـمٍ لـو عتقنـي لبلـواي
كان أنتحيت عن العرب وأنتحتبـي


نواف التركي

رائع ومتميز كعادتك
لك اعجابي وتقديري
كن بخير

 

[نواف التركي]

المشاركة الأصلية كتبت بواسطة وائل فهد

كانك قريتي وأعجبك بعض معنـاي
ما مشّتك بقعا بعـض مـا مشتبـي
الشعر هـمٍ لـو عتقنـي لبلـواي
كان أنتحيت عن العرب وأنتحتبـي


نواف التركي

رائع ومتميز كعادتك
لك اعجابي وتقديري
كن بخير

وائل

الروعه

هي مرورك

كل الشكر

ودمت بخير

 

[عبدالله العقيل]

كم طاح من وجهٍ على درب مسراي
أمّنت في بعض الوجيـه أغدرتبـي

بجد قاتل يانواف


صححححح لسانك يالغالي