حالة سكر !!

[أحمد الصانع]

لسان الصمت لو ينطق ،
أكيد إن الكلام : أشواق
تعاال وشوف وش سوى فراقك ، وإقرا إحساسي
تطيح أوراق من سدرة دموعي ـ وماتطيح أوراق
وأنا .. بـ الحالتين أبقى عزيز ، ومرتفع راسي .

كل ليله في غيابك ( ألف عام )
............... وشاعرك من غبت ، ماعنده نظر

صار فيني شي مو قادر أنام !!
............... هذا هو [ الحب ] أو هذا [ سحر ] !!

بين حيرة وشك وأشواق وملام
............... تنقطع بسكات ! ـ لا حس وخبر !!

ماحطبتك .. لين شفت الإهتمام ،
............... ليش تتركني وحيد ... بْلا شجر !؟

جيت مثل الحلم لحظات المنام
............... ورحت مثل " الموت " للّي يحتضر

أفقدك : مثل الطفل وقت الفطام
............... وأعشقك : عشق بدويٍ للـ مطر

أذكرك : وأذكر تفاصيل الكلام
............... وأسهرك : يمكن تمر / وما تمر

ليش تسرق قلب في عز الظلام ؟
............... ليش تقتل شخص لك عنده قدر ؟

جيّتك .. مسك ( البدايه و الختام )
............... جيّتك .. عندي مثل : فكره بكر

راضي لو مره تجي في كل عام
............... كنّي طفل وشوفتك [ عيد الفطر ]

لأني من شفتك أحس إنّي : تمام
............... كنت صاحي وقلبي في حالة سكر

كانت أجمل ليله كانت ( يااا سلااام )
............... ليله وحده بـ العمر تسوى العمر

،

.

 

[محمد البدراني]

نص مـــ متع يا احمد

يكفين هذا الصبااااااح

تقديري

 

[أحمد الصانع]

اقتباس:المشاركة الأصلية كتبت بواسطة محمد البدراني

نص مـــ متع يا احمد

يكفين هذا الصبااااااح

تقديري

- الممتع حضورك يا كريم

ألف شكر يا الغالي

ودمت بخير

 

[نور]

احمد الصانع

قصيدة رائعة بما تحمله من أحاسيس ,,

نور..

 

[بسام محمد]

حالة من الجنون يندى لها العقل ..

جنون ما تكتب يا احمد ..

 

[أحمد الصانع]

المشاركة الأصلية كتبت بواسطة بسام محمد

حالة من الجنون يندى لها العقل ..

جنون ما تكتب يا احمد ..

بسام محمد /

لاهنت يا الغالي على مرورك الراقي

دمت بود

 

[قايـد الحربي]

أحمد الصانع
ـــــــــــ
* * *


أُرحبُ بك كثيْراً .

:

" حالة سُكْر " : وَ إحَالةٌ لِسُكّر ...
نتَذوّقها بِذائقةٍ فَائِقة كُنتَ أنتَ سَاكبها وَ نَحْن شَاربوْها .

أحمد
شكراً بلا حَدّ .

 

[حلم]

ليله وحده بـ العمر تسوى العمر

ليله وحده بـ العمر تسوى العمر

ليله وحده بـ العمر تسوى العمر






.. لمسنا الغيم هنا ..

.. دام نبضك..