مصافحة ثانية ( باقي اشتاق )

[عبدالرحمن مقبول الزهراني]

مصافحة ثانية




باقي اشتاق

مشتاق لك رغم الخطأ شفنـي اشتـاق .....
حـاولـت أكـابــر وانـصـدمـت ابتغـلـيـك

البـارحـة يــا صاحـبـي نــاوي افــراق .....
واليـوم يــا ليـتـك تـجـي قـبـل لاجـيـك

لبسـت لـك ثــوب الـزعـل مـيـر مــا لاق .....
ليتـه ستـر (سـاق) الــذي قــام يدعـيـك

ليت الظلام اللي سكن وسط الأحـداق .....
أعـمـى عـيــونٍ دمـعـهـا هـــل يـرجـيـك

ياليل صدك وش تبي شمس الأشراق ......
يعني على تخطي وأنا مـن يراضيـك

يــآل _ الكـرامـة دمـهـا الـيـوم يـنــراق .....
عـيــد حبـيـبـي دامـنــي مــيــتٍ فــيــك

لكـن وصـاتـي بـلـغ القـلـب ( لـِ ) فــاق .....
إنـــك قـتـلـت بـداخـلـي مــــا يــوازيــك

وأن الـكـرامـة خـدهــا جــالــه اطــــراق ....
و أنـه حـمـل بصـمـة أثــر مــن أيـآديـك

وأنــي أمــوت ومــدت ايـديــك تـريــاق ......
وأنــك تـشـح وغلطـتـي كـنـت اجاريك

وأن الحقيـقـة مــا بــدت غـيــر لـــوراق ......
وأنـي مخـافـة لايـمـي قـمـت اداريك

صاير وقـود وصـرت لـك موقـد أحـراق .....
جوفـي حريـق وظاهـري ضـو يدفـيـك

رغم اتساعـت خاطـري للأسـف ضـاق ......
وشـفـت النهـايـة صـوتت لــك تنـاديـك

يا صاحبي كـانك تبـي تسمـع الـبــاق .........
ولا بـــلاش ويـــا عــســى الله يـهـديــك

ماقلـت لـك رغـم الخطـأ باقـي اشتـاق ......
مـانــي مـكـابـر دامـنــي مــيــتٍ فــيــك