لا ياعظيمه ..

[حسام المجلاد]

لا ياعظيمة خوذي الأمر بشويش
مادام لازم نفترق .. ياعظيمه !!

ما أقدر آحبّك ولا تسألي "ليش"
الحب في هالدار عار .. وجريمه !!

أقبلت صوب الحب مليان بالطيش
وادبرت منّه ؛ مامعايهْ .. غنيمه !!

أطرد ورا شوفك مثل"لقمة العيش"
وأرجع وكفّيني بدونك .. يتيمه !!

إمقيّدين ووضعنا فيه ، تشويش
والله بلانا في عوايد .. قديمه !!

ياحظّك بحرّيتكْ يا ابرق الريش
ماقيّدتكْ أهل العقول العقيمه !!

حبيبتي مانيب ناسيك لوّ إيش
علاقتي بكْ مثل حزني حميمه !!

وشلون ينفع مع طواريك "تطنيش"؟
وأدنات طَاري سيّل العين ديمه !!

بـ آقفّ على بيبان الأحلام درويش
يمكن اصادف لي يدينٍ ، كريمه !!

على العموم أقفي ولاتسألي ليش
الحبّ في داري حرام وجريمه !!