(اشتاق)
أشتاق لي منه الجفن أرمش ثواني
ودي تكحل مقلة عيوني هدبها
لو غبت آغيب في تفاصيل الاغاني
اللي على شطئان قلبه قد كتبها
واهيم في بحره وادورلي مواني
وتذوب قيفاني ولا ادري وش غلبها
من وين ما جيته تعاندني المعاني
ومن وين ما جاني يحيرني ادبها
الصوت من ثغره يصوّت للمحاني
والهمس بإذنه يشعل ضْلوعي حطبها
قتال يا سيف ٍ على كفّه نهاني
ومعذور ياقلب ٍ من النظرات حبْها
مالوم عيني أحلفت عن شوف ثاني
يا مرجح الكفة طباعك من كسبها
لاني تسللت الوريد اللي خذاني
صوب الحنين وصوب نبض ٍ يشعربها
مجبور يا درب ٍ خطيته ْوما عصاني
استسلم لطوعك وخلْ تحكي عربها
هذي المحبة ربْحها صدْق ْوتفاني
ولا الاماني مانفعهـا من طلبهــا
رضوان الهاشمي
26/5/2015
آخر المشاركات
06-07-2015, 03:02 PM
(أشتقاق) جديدي
العرض الشجري