اخر جروحي

[عبدالله البطي]

على طاري وداعك ليه ماطولت بالمده
وش الي رجعك تسأل وتنشدني عن أخباري
مدام انك تبى الفرقى وبالك واصلن حده
وش الي غير اسلوبك ابي من وين هالطاري
تقول انك معي قررت تعلن موعد الصده
غدى قلبي حواله وارده بحسابك الجاري
وش الي رجعك تسأل ؟وحيلك ليه من هده
مدام انك جبل تقوى ومنت لخافقي شاري
يا اسوئ صدفتن جتني وقلبي لب لك وده
عطاك اصدق شعور اصدق طفل للبعد مو داري
يحسب ان الهوى حاجه معى الأحساس تشتده
مواثيق الغريق بصدق عاشق ماهو ايماري
يحسب ان الورود البيض بيضا لين ماشده
نزيفه من ورودك وانت ناسي كم لفا ساري
على شانك قطعها وكم صعبه خالفت وده
دحمها واثر تلعبه مثل لعاابت ايتاري
عهد لوك تمد ايديك كفي لك فلا امده
كويت اذراعي الايسر ووشمته على ايساري
يسجل هالقدر اهداف من هجمات مرتده
على مرمى خفوقي والحكم مايقبل اعذاري
خذيت اخر جروحي حبر وسجلته بمسوده
ومحى غدر الحبايب حسي المسكون بأشعاري
وبقالي بيت مثل الشامه الي ساكنه خده
يقول اسمع نحيب الجرح واقرى الحرف ياقاري
اعيش الحب لو ادري خليلي فيي ما وده
لأني لاعشقت أصدق وصدقي اعظم اوزاري

 

[وداد الجابري]

نص رائع وجميل
سجل اعجابي
أختك وداد

 

[عبدالإله المالك]

تقبل التحية
ياعبدالله
على مثل هذه القصيدة

 

[غازي بن عالي]

قصيده رائعه وأكثر


صح لسانك اخي عبدالله







مودتي