ظروفك القشرا

[عبدالإله العنزي]

كل عام والجميع بخير ..



عشان ظروفك القشرا .. رضيت بواقعي وياك
......... ما دام العذر بظروفك .. انا بـ الله وش عذري !


تسهـّل .. ماعلى اللى راح ذنب ٍ يستحق ابكاك
..........و خل الدمع لـ عيون ٍ( تحبــك) يا بعــد عمـري


ترى ما فيه اجمل من مساء تمر به ذكراك
......... اقـلّب بالورق ذكرى.. يفوح بعطرهــا صدري


ثلاث سنين واكتب لك انا ميت على لاماك
............ ثلاث سنين وجروحي.. تهدّدني على قبـري


انا والحزن من مدّه نزف بـ هالورق طرياك
............ نسولف بـ الشقا تاره وتاره يشتكي حبــري


انا ما اكتب بك ( اتسلى ) ولاني مستعد انساك
........... لاني حالفٍ لك قبل ( يغوص بخنجري خصري )


انا اكتب فيك لان الحزن يلقى راحته بحماك
......... عشان القلب لا ضاقت عليه وملّني صبري


ولا ابغى اكثرمن أنني انام وبـ الجفون القاك
......... اغطيك بعيوني لين.. ما الله يجبــر بكسري !





تحياتي للجميع ..

 

[عمرالمرواني]

.
.
.
عبدالإله العنزي
رائع جميل هذا النص
دمت بود
.
.
.

 

[سعد مسهوج]

البناخي

صح لسانك

قصيدة جميلة وشاعر اجمل


لله درك

احترامي

 

[عبدالإله العنزي]

عمر المرواني ..

الف شكر لـ مرورك

احترامي لك ..

 

[عبدالإله العنزي]

سعد مسهوج ..

صح بدنك ..

والف شكر لمرورك ..

 

[وادرين]

عبدالإله العنزي


كتبت الحروف ...... ونثرت الورد

ينبض القلب .... وتتدحرج الاوراق عطر

وتخرج الكلمات ..... فتبتسم الارواح

رائعه كروعه فكرك.....



عمق الألم ..... wadren

 

[عبدالعزيز العميري]

الله الله

نص جميل جدا

غارق هنا

حتى استفيق

 

[عبدالإله العنزي]

وادرين ..

الف شكر لمرورك ..