[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شفت وشلـون هـذا البـرد يكثــــر = قلت لـك مالـه اطـراف وزوايـا
وشفت وشلون صار الليـل دفتـر = وتكتـب احزانـي نجـومٍ عــرايـا
صاحبي : صاح بي والصدر مهجر= آدمـيـاً ورى عــــــوج الحنـايـا
طال بـه درب لـو الحلـم يقصــر = وضحكة الشمس سوت بـه سوايـا
غير هالحـزن مابـه شـي يكبـر = وناس تكبر بهـا سمـــر النوايـا !
مثلهـم لـو أبـي أحتـال ماقــــدر = ممتلـي بالهـمـوم وبالخطـايـا!
مُتلفـة روحـي الغبـرا والاغبـر = حـظٍ آسنًـده بـيـن البـــــــرايـا .[/poem]