الحزن المعتق!

[مشعل الذايدي]

الاهداء الى تركي في استراليا مع قارورة من الحزن المعتق!!

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وطن ما مـر بعيونـك لقـا حـب ولقـا أحبـاب؟!=وطن ما مر في ساحـل غـلاك اطفـال يغلونـك؟!
وطن حدق بوجهي لا يغرك شعري اللـي شـاب!=انا الطفل اللي زميته وغفى يامـا علـى متونـك
أنا الطفل البريء الأرعن اللي غاب بس ما غـاب=عن الجهراء وعن أثل القصر والعيد وغصونـك
تعبت أحكي على الجوزاء ترابك كيف ما هو تراب!!=وعن الطفل الصغير وحضنك الدافـي بكانونـك
وطن ياما تذكرتك في يـوم كنّـا فيـه أصحـاب=ونسهر ليللنا ويامـا علـى صـدري يصحونـك
حملتك والشنط تحكي على ظهور الصغار كتـاب=وتعلمتك على كف الدفاتـر (مـع حمـد) نونـك
ولعبتك عنبر ومقصي وعظم سـاري بليالـي آب=وحفظتك مع سنا الخراز اغاني روحهـا لحونـك
وضميتك بصبح العيد ملاهـي وديرفـه والعـاب=واجيك من التعب عرقان وتمسح جبهتي ردونـك
تنفستك غلا/ بحـر/ ورمـال/ وكاظمـه/ واطنـاب=وسمعتـك بالصّـدف كنـك تنادينـي بمجنونـك!
وغنيت( الثلاث أسوار) مـع عبـد الكريـم وذاب=حنينـي/ وليتنـي غنيـت (انـا رديـت لعيونـك)
ووصيت الحمام عصير اذا شرق سمـاه وطـاب=يسلـم لـي عليـك وينشـدك بعتـاب وشلونـك؟!
عسـى ما شـر تسالنـي بـلادٍ جيتهـا منصـاب=غريب ولا بقى بيـدي سـوا التلويـح لمزونـك !!
عزاي بهالقصيد اني افضفض لك حديـث اهـداب=حديـث السندبـاد ورحلـة اليامـال بجفـونـك
حلمت البارحه انـك تعاتبنـي عتـاب أغـراب=وتسألني عن أحـوال الصحـاب اللـي ينادونـك!!
تصدق! ما طرا افبالـي أشوفك والسمـر بـواب=كأنك جالس بجالي وتسالنـي بشقـا ظنونـك ؟!
صحيح ان الهوى غلاب؟! أي والله الهوى غـلاب=وخص اليا غدى منهـو تحبـه موطـن عيونـك!
ذكرتك مع عوض دوخي يغني عيدوا يا احبـاب=وانا وحدي هناك اليوم اعيـد بـس مـن دونـك
عشقتك متعب وتركي وفالح محسـن وشرشـاب=كبرنـا وكـم تمنينـا يـردونـا ويـردونـك!!![/poem]