( الثمانين )

[نزهان الركاد]

بسم الله الرحمن الرحيم

أحبتي

السلام عليكم ورحمة الله وبركاته

تلبيةً لطلبات الأحبة هنا :

هذا النص كاملا الذي عُرض على لجنة التحكيم في برنامج شاعر المليون النسخة الثانية
في الجولة الأولى والذي لم يظهر كاملاً في تلك الجولة :

أضعه بين يديكم عله يرتقي لحسن الذائقة


( الثمانين )



[poem="font="simplified arabic,5,black,bold,italic" bkcolor="transparent" bkimage="" border="none,8,black" type=2 line=0 align=center use=ex num="0,black""]ياعارفة وجه الـردى لا تبوحيـن=طفي سراج المعرفة داخل الصوت
خلينـي أجهـل سيرتـه للثمانيـن=ولا يعجلني قبـل سـره المـوت
والنشوة الي راس مالـه قلاصيـن=أصارع الأمواج به وأركب الحوت
سر العنب يا جاهـل أيـام لونيـن=خلى شراكتنا علـى حبـة التـوت
مـن يومهـا لليـوم حنـا غنييـن=مليون واحـد واشتركنـا بتابـوت
لا والي من اليوم والكـل واليـن=والكون طفرة لا تقولـون ملكـوت
آمين قولـو لأولـه بآخـره ميـن=قاد السرايـا بدلـو قاديـا بـوت
السين كاف الماريه ياسع الصيـن=بناتها من كـي لينـه بـلا لـوت
نسى العبث بعروقنا وأنبعث ديـن=العارية تلبس على نصفهـا كـوت
يعني بقى يا جاهلي بـس ردفيـن=واللي يشوفون ألرديه سمل لـوت
شفهم على صفوة حليبـه مربيـن=اليوم عن نهج السلف مالهم قـوت
ببيوت كانوا جبلته جيل من طيـن=واليوم جيلٍ طينوا عيشـة بيـوت
اللي وضع سبعه على نـار ستيـن=في أربعينه يا عمت عين جالـوت
الناصـر الله مـا نصرنـا معييـن=والواحد الثاني على ثامنـة فـوت
والعاشر اللـي وحدتـه الملاييـن=ورث لهم صفره من الزاد والقوت
صاحت يمامه غيرة التغلبي ويـن=والزير عمه لابس ثيـاب ياقـوت
يا زهرة ألحانه كفـى مـا تغنيـن=دامي وصلت لبكر الأمجاد بسكوت
غني على شان الدفى من تشاريـن=هزي لنا هزه على فايـت الفـوت
لا تذكرين البن والهيـل يـا ميـن=يسقيني الفنجـال بـذراع مليـوت
هاتي لي اللي راس ماله قلاصيـن=أصارع الأمواج به وأركب الحوت
دامي عرفت اللي بوجه الردى زين=خليني أفهم وش يخبي لي المـوت
يا عارفه ما قلت لـك لا تبوحيـن=أحرقتي سنيني على سيرة الصوت
واليوم أحس إني دخلـت الثمانيـن=واللي بقى حفره وخامه وتابـوت
[/poem]