,,,{ ياناس خلــــي },,,

[مرزوق الرمالي]

مع التحيه والمحبه والتقدير اقدم لكم هذه الابيات اتمنى ان تصل الى ذائقتكم الشعريه


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناس خلي يشبه (الشمس)ياناس=لوكان تحرق(للفضا) تعطي النور
اغلا من الياقوت والدر والماس=عندي,وكل(ن)له هوايات وشعور
لو كان للدنيا من الحور عساس=لا قلت اكيد انه هو اللي من الحور
ماعاد فيني عرق ينبض با الاحساس=الا احس بداخل العرق له دور
روحي ,تجاذب له على جذب الانفاس=وش لي,ومالي,دام انا فيه مجبور
زعيم عشق, ويلعب اخماس واسداس=العشق يشفع له والاحساس دستور
ولا باس اقوله الف مرّه ولا باس=وانثر على درب الغلا ورد وزهور
قدر المحبه يلمس العين والراس=وبذر المحبه با الشرايين مبذور
لا روّح الطاري,هوا البال ينحاس=وان عوّد الطاري,غدا البال مسرور
ان قلت عفوا,ما ذكرته على ساس=اني بدل عفوا,ابي منه مشكور
واجب,وانا في قلب الامواج غطاس=معذور لو اني تماديت معذور
وش يملك المنهي بعد دق الاجراس=ان كان من دق القناعات مامور
الجمر يمكن بعض الاحيان ينداس=اذا حطب ناره من احساس مقهور
والحبل من شد الرجا يقطع الياس=لن الامل يبني عمارات وقصور[/poem]

 

[محمد السالم]

مرحبا بك يا مرزوق

ومرحبا بالشعر


تقبل مروري المتواضع

 

[أمجاد محمد]

سلمت ذائقتك المخمليّة
شكرآ لك

 

[سعيد الموسى]

جميل هذا النص ..

أشكرك مرزوق .

 

[عبدالإله المالك]

جميل وممتع ومشوق كل هذا

 

[شقران الزيادي]

وش يملك المنهي بعد دق الاجـراس
ان كان مـن دق القناعـات مامـور
الجمر يمكن بعض الاحيـان ينـداس
اذا حطب ناره من احساس مقهـور
والحبل من شد الرجا يقطـع اليـاس
لن الامل يبنـي عمـارات وقصـور


مرزوق نص جميل يستحق الاحتفاء والتأمل في طريقة انسكابه
صح قلبك..

 

[فاتن حسين]

قرات هنا تباشير صباحات معطرة برائحة حب..


غيثك رقيق يـ مرزوق..!