ضيقة

[عبدالرحمن مقبول الزهراني]

يضيق صدري بعض /لاحيان وازعل علي
نفسي وهي ضايقه/ احيان ما اطيقها

ياليت يا خاطري / لاضقت ماضقت لي
وتكون في معزلن /عن ضيقه أضيقها

باكفيك حملٍ رمى /صدره على كاهلي
وأبيك باقي البشر/ تلحس لها ريقها

خليك مثل العسل / لا تلتفت لـ أزعلي
غايات بعض البشر / اسعى لتحقيقها

يا سدرة بالحشا / عليك وِرد انحلي
لو هو ذبحك الضمأ/ دمعتك ما اهريقها

كم جانيٍ لك جنى / على هدو داخلي
وكم نبعة صافية / مكسورٍ أبريقها

كم ساكنن بالنظر / عليه دمعي غِلي
وكم شامتن ينتظر / دمعاتٍ اريقها

لا بأس يا خاطري / لاضقت لا تضيق لي
لي في الصبر غايةٍ / اسعى لتحقيقها

عبدالرحمن أبو ريلام