البخــــاري وابن مـــاجه

[عبدالله العلي]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا رفيقي قل عسى ما فيك حاجه = وين سجــــت دنــيتك وش فيك داله

الزمن هـــذا تبـــين اعـــــوجــاجه = لبست العقّـــــــال به ثــــوب الهباله

قلت اخلي القاف يعـلن احتـــجاجه = وابوضــــــــح ما خفا لك من خلاله

الغدير العذب خالـــــطه الهـــماجه = لين غــــطى مـــرّه العـــــلقم زلاله

أي شي إن زاد عن حـده ســـماجه = وان قصر عن وافي حقــوقه جهاله

ضاق صبر صدرونا بـهم انفراجه = حتى عاد الوضع ما نــقوى احتماله

في زمان العــولمه مدري اللجاجه = صار قدر الآدمــــي بحـــساب ماله

صار طير الحر تقـنصه الدجــاجه = والأسود أشبــــالها تهــــاب الغزاله

جا لنا فـــــكرٍ تعــــوّذنا رواجـــه = يقطـــع الله من تبنــــــــاه وسعى له

كل داء بالـوجــــود وله عــــلاجه = الا ضــــــــيعه جيل كامل وانحلاله

كيف صار اليعـربي مثل الخواجه = يتقـــــــــدى فيه بـــــدروب الظلاله

يترك صحاح البخاري وابن ماجه = ويتبّـــــــــع شــله يـا دان ولال لاله

جونا الصــــافي تغـــشاه العجاجه = وش مصير اهمــــالنا واخــــر مآله

ننكسر باقــــسى الهزايم بالمواجه = والدليل ارض الفــــرات شلون حاله[/POEM]