سافرت

[خليفه الصائغ]

لو حبك مخيم أنا احساسي الجيش
يطرد عدوينك ويعفو سجينك

لو كان بيت الحب مبني من الريش
ما كان يصمد طول خمسة سنينك ؟!

سافرت اطلب ياالغلا لقمة العيش
وفي كل دقيقه صرت اشتاق عينك

وكلما رجعت تردني كلمة ”لهيش”
ترجع لدار (ن) دون تسديد دينك

عزيت نفسي مالسخافات والطيش
وحفظت عهد ن صار بيني وبينك

وغطيت اقوال الاوادم بتطنيش
ما دام شريان المحبه رهينك

ما عمري استهويت سكن الخفافيش
ﻻنه سكن يفقد شموخك وزينك

كم تغرم الدانه بايد الطواويش
وانا غرامي حب راحة يدينك

حاولت اكتب مثل " محمود درويش "
غزه ف عيونك وانا داخل سجينك

بس القلم يوقع ويرسم " تخربيش "
في دفتر احلامي يصور قرينك

سافرت اطلب يالغلاء لقمة العيش
وفي كل دقيقه صرت اشتاق عينك


خليفه الصائغ