أصعب سؤال ...

[صالح مصلح الحربي]

.
.
.


كل عام وانتم بخير .... ودااامت ايااامكم .. مسرااات واعيااااد ...




يا غصن لك طير ٍ يرفرف جناحه

.......... ضاقت به الارض الوسيعه وجالك

حتي السما ماتاسعه بالمساحه

.......... ولد ّ النظر يمّك حزين وعنالك

ياغصن في لطفك تلملم جراحه

........ أسدل عليه أنسام وارف ظلالك

وحزن ركض به عمر تكبح جماحه

........ أصعب سؤال ان قلت له كيف حالك

تركز به سنين الشقا من رماحه

......... يركض بجرحه لو طوته المهالك

أبطي يدور له مع البعد راحه

........ وأيقن بأن الصبر مملوك مالك

بس انت لاتذخر ليونة سماحه

........ وش عاد باقي من عناه أرتمي لك

ياغصن وان هبت عواصف رياحه

........ ضمه وحاول به يعبر المسالك

وقل للسكون السر عنده ماباحه

........ مهما تحاول ماخطر لك اف بالك

الجرح لك طير ٍ يرفرف جناحه

........ ضاقت به الارض الوسيعه ـــ وجالك


.
.
.