فلّيت مجدول الزعل وانت داري
اني معك ماكنت مخطي ولا كنت
ملول من صدّك.. وطول انتظاري
ياما على بيبان عطفك تمسكنت
معك -انتظاري- مانفع وانت/ضاري
على الجحود وكل ما ازيّنك شنت
قدّمت لك عذر ورفضت اعتذاري
ماهنتني.. لكن بعين الغلا هنت
ماعدت انا يابايع الوِدّ شاري
انا بقلب اللي شراني توطنت
عذبٍ لو يمرّ بمساه الصحاري
تصبح وينطق كل مجدب: تلوّنت!
معه ارجهنّ البال عقب الطواري
ماكن باحزاني لي سنين هيجنت
اليوم.. تشمت عزتي بانكساري
ياللي عطيتك كل ماترغب وخنت
لقيت لي قلبٍ يردّ اعتباري
تفداه هالدنيا واهلها وانا وانت
قلبي من ثياب القسى مِعْه : عاري
ومعاك لي قلبٍ مثل طوب الاسمنت!
آخر المشاركات
05-25-2020, 01:33 AM
طوب إسمنت ليّن
العرض الشجري