عـصـافـيـر الـحـيـاة

[رضا التومي]

..
شيءٌ بسيط ٌ من ( مسودّات جوالي ) إلى قلوبكم :
..


[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مبطي عن أجواء الحبر و القراطيس =نسَّـاني التفكير ذكر الكتابة
شف شيبي و تعْـرف وش بداخل الكيس =و أوَّل ثلاثيني تزيد الإجابة
أحيان نشـْبه ثابتات الدبابيس =لا من بغت أوراق الأنفس تشابه
وأحيان ننسانا بظل الكواليس =وأحيان في ساح الوغى والذيابة
وأحيان نعمل لكن بطاعة إبليس =وأحيان لله و الرسول و كتابه
هذا المزيج اللي له العاقل يقيس =أي الطريقين سْـلكوه الصحابة
اللي مدحهم خالق المي و العِـيس =و اثنى على من حثّ معهم ركابه
يا قلب يا اللي ماليتك الأحاسيس =متخالطة ما بين ضحك وكآبه
ما لك و مال مزوِّدين الكوابيس =عش ما تشوف و خلّ عنك الرتابة
محد ٍ بيرضي جامحات الهواجيس =و لا كل حيٍّ كل حيٍّ رضا به
اطلق عصافير الحياة المحابيس =من قبل يستشري بجوِّك غْـرابه
خلِّك على سود المواقف فوانيس =وانقش على صوت الوضوح الكتابة[/poem]

.
.