ذات اللبابة !!

[عبدالرحمن جابر الرويلي]

//ذات اللبابة//


بسم الله الرحمن ..ابدي / المواجـيب
شاعر ... بذكر الله شــد / بركابـه

الواحـد ....العـلام رب / الارابــيـب
ماخاب منهو بالحديـث ابتدا / بــه

من بعد ذكره يرحب القاف / ترحيب
واسهل بحور الشعر عندي صعابه

بعض الكلام اللي يجي دون ترتيب !
اصدق من هروجٍ تجي في ...رتابه

وعفوية المنطوق لو جا بها ../ عيب !
ماعيـبوها مصـفـصفين ....الكتـابـه

نظم ! ورزانه ...! منتهاها / أكاذيب
وقت الصحيح .. هروجهم ما تشآبه !

ناسٍ تورثگ. العجب ! والأعآجيب
تستحوذ القارىء .. وتجبر مصابه

وان عودت واقع ...ترآها .. غيآهيـب
تظليل لا يروي .. ويغني ... صبابـه؟

تحتاج لإستنطاق ..معنى .. وتعقيب
( وتشور بفكرك .. لذات ... اللبابه )

خلف النوايا وان لحق شكٍ . وريب
اثم الظنون السيئة .. صِگ بابه ،.'

لا تنشد ظنونگ لِلحظه... عن الغيب
دع هالعمر يمظي وتلقى ... الإجابه

واقطع هوى نفسٍ توديگ / وتجيب
وعقل الفتى وش كان ! لولا .. صوابه

بعض النفوس احيان تحتاج تهذيب
وحِـد الخطا عنك قبل..... / إرتكابـه

واجعل بياض الفكر يطغي على الشيب
يومين فگر بيوم عمر .. احتسابه !

لا تجعل الفرصه امل يوم ..وتخيب !
اصنع فرص دنياگ وامضي وجابه

وابذل لصنع المجد شتى / الاساليب
ولجل الوصول آياك يالذرب تآبه

وامض بطموحك رغم انف العكاريب !
واطلق عنان المجد فوق.. السحابـه

وخل الرصيد افعال ! لو هي صواعيب
لاخانگ المعنى ..وحسن / الخطابـه

اشرح فضا صدرگ لشُم / المراقيب
ورحب بصدرگ للفـضا ...في رحـابه

هذي خلاصة ماعطته /. التجاريـب
تممـتها بـ / عنوان ... ( ذآت اللبابه )

وختامها... يالله ياعـلم .. / الغـيـب
صلِ على المبعوث ...هـدي / ونجــابه

شعر/ عبدالرحمن جابر الرويلي