للحوايج خناجر

[محمد عوده البلوي]

السلام عليكم ورحمة الله وبركاته



اسعد الله صباحكم جميعاً بكل خير


.

.

.

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
خاطري صار للضيقه مبيت ومقيل=والسجاير ما فادتني وانا أمزها
طول ليلي وأنا للجمر فارش شليل=والطواري تشب النار وتوزها
حسبي الله على الحاجة ونعم الوكيل=لا خلتها يد اللي نفسه يعزها
كنها في عزيز النفس تبرد غليل=لا غدت خنجر وكف الزمن غزها
للحوايج خناجر بالصدر والذليل ..=حط وجهه فدا للحاجة وحزها
لكن اللي دموعه لا تضايق تسيل ..=كيف ترضيه روحه كل ما رزها ..؟
قوت من يطلب العالم كثير وقليل=يسقط مْن الكرامه كل ما هزها
يُخلق المستحيل بوصفه بمستحيل=وتُفتح أبواب الاحلام بكثر دزها
دام ربي عطانا من شموخ النخيل=وش عُذر حاني ألهامه لمبتزها
ودام كلن على هــ/الأرض عابر سبيل=سعْد من عطّر دروبه وذكره زها
يا كريم السجايا عل عمرك طويل=كز الأقدام في درب النقاء كزها
باليمين افعل وبالفكر هات الجزيل=الشواطي لو بيدها غرق وزها
وأنت صقر بسما الأحرار مالك مثيل=ما وصل منزلتك أشقر ولا لزها[/poem]

.

.

.

تحياتي